Home : Kreyòl Ayisyen

SÈVIS MEDIKAL NOU YO

Swen pou Ka Ijan
Swen Regilye
Operasyon
Swen Gwosès
Espesyalis Medikal
Swen pou Zye
Swen pou Dan
Sante Mantal
Mamografi
Pwogram Tretman pou Moun ki Fimen

Swen pou Ka Ijan. Si w pran yon chòk oubyen oubyen w gen yon gwo maladi , silvouplè rele 9-1-1.

Cambridge Health Alliance bay sèvis ijan 24 sou 24 nan 3 lopital nou yo , Cambridge Hospital, Somerville Hospital, ak Whidden Hospital. Silvouplè klike sou non lopital la pou jwenn yon kat ki bay direksyon pou ale nan chak lopital yo

Chak sal dijans lopital yo gen bon jan doktè ak enfimyè nan tout lè. Nou bay Swen Ijan an Eksprès pandan lajounen ak ta nan aprèmidi nan tou lè twa lopital yo. Nan swen eksprès la, yo trete moun ki gen pwoblèm ak maladi ki mwen grav, sa fè pasyan yo fè mwens tan ap tann.

Tou lè twa sal dijans yo gen entèprèt medikal sou plas pou ede moun jwenn pi bon swen posib..

Tou lè twa sal dijans yo gen entèprèt medikal sou plas pou ede moun jwenn pi bon swen posib.

Swen Regilye. Nan Cambridge Health Alliance lan, nou kwè nan prevni pwoblèm sante, nenpòt lè sa posib avan yo vin pi grav. Yon fason pou fè sa se pou chwazi yon doktè regilye (PCP).

Yon "PCP" se yon doktè oubyen yon enfimyè ki pratike medsin ki ka travay avèk ou a lon tèm pou kenbe w an sante. Yon "PCP" ka fè tchekòp pou ou, li ka kòmande tès pou ou pou l detekte nenpòt pwoblèm sante, leplisouvan li ka fè tès pou ou pou l wè si ou fè yon maladi avan ou santi ou malad.

Yon "PCP" ka voye w wè yon espesyalis tou lè w bezwen swen nan men yon ekspè. Yo ka ede w kontwole maladi kwonik (tankou opresyon, sik ak maladi kè).

Nou gen anpil doktè pou timoun, granmoun, granmoun aje ak kèk doktè k ap pran swen tout fanmi an. Gen plis ke 40 nan doktè regilye nou yo ki pale 2 lang e anpil ladan yo bay randevou nan menm jou ou bezwen l lan ak nan aprèmidi nèt. Sa rann li pi fasil pou fanmi ki travay yo pou yo jwenn swen sante, lè yo bezwen l. Klike la a pou jwenn yon doktè regilye ki bon pou ou (lis doktè yo an Anglè sèlman).

Operasyon/Zo. Lè w chwazi yon doktè operasyon pou oumenm oubyen pou yon moun ou renmen, se pi bon an wap jwenn. Doktè operasyon nou yo gen eksperyans, epi se lidè yo ye nan domèn sa a. Anpil ladan yo pwofesè nan Lekòl Medsin Harvard ak nan pi bon lopital nan zòn nan. Telefòne 617-665-2555 si w bezwen yon randevou pou operasyon oubyen si w vle yon dezyèm opinion.

Nou fè anpil envestisman enpòtan nan teknoloji medikal pou nou amelyore swen nou bay yo. Pami teknoloji medikal sa yo ou jwenn, sal operasyon dènye modèl, nouvo teknoloji nan afè radyografi tankou "MRI", Radyografi espesyal sou konnpyoutè (CAT eskann) ki montre foto nan 3 dimansyon, sonogram, mamografi dijital ak nouvo aparèy yo rele "C-arms" pou nouvo sant endovaskilè (venn anndan) nou yo.

• Konnyè a nouvo ekip operasyon nou an gen konesans nan domèn sa yo:
  

• Operasyon Jeneral, tankou nouvo teknik avanse kote yo bezwen antre andedan moun mwens
  

• Operasyon nan Venn, pou tout maladi nan venn ak nan atè
  

• Operasyon nan Zòrèy, nan Nen ak nan Gòj
  

• Operasyon nan Zye, tankou operasyon avèk Laser pou Korije Vizyon
  

• Operasyon Estetik, pou retire gwo mak ak pou amelyore aparans ou
  

• Podyatri (pye), pou tout maladi pye
  

• Òtopedi (zo), pou tout doulè nan zo, nan jwenti ak nan misk ak operasyon pou ranplase jwenti konplè
  

• Medsin Espòtif, pou tout chòk nan vyann pou ede w santi w mye, kèlkeswa laj ou (Telefòne 617-665-2007)

Swen Gwosès. Fè yon tibebe se yon moman espesyal - anplwaye Cambridge Health Alliance vle pou oumenm ak fanmi ou fè pi bon jan eksperyans posib.
Nou fyè pou nou genyen yon Sant matènite tou nèf nan Lopital Cambridge la ki pèmèt ou jwenn bon jan swen nan akouchman ou. Nou genyen yon Bèl Sant Akouchman ke Fanmsaj ak "Doula" nou yo (Fi espesyal ki la pou bay moun sipò pandan akouchman) opere pou fi ki chwazi pou yo fè kouch natirèl.
Pou swen avan akouchman, fi ka wè doktè nan Lopital Cambridge la, Lopital Somerville la oubyen nan Sant Sante nou an ki nan Revere a. Nou gen doktè Regilye nan plizyè nan lokal nou yo ki gen fòmasyon nan swen gwosès.

Espesyalis Medikal. Espesyalis Medikal se ekspè nan yon seri de chòk ak maladi ki afekte yon pati byen detèmine nan kò a. Espesyalis medikal yo travay nan tou lè twa lopital nou yo ak nan plizyè nan sant sante kominotè nou yo tankou "Revere Family Health center".

Ekip Espesyalis medikal nou an genyen ladan l:

• Kadyològ, ki ede detekte epi trete nenpòt pwoblèm kè
  

• Andokrinològ, ki konprann pwoblèm Dyabèt ak pwoblèm metabolis
  

• Gastwoantewològ, ki ede avèk pwoblèm nan vant, asid ak lòt pwoblèm
  

• Geryatrik, ki ekspè nan maladi ki afekte granmoun aje
  

• Ekspè nan Maladi Enfektye, ki konprann viris ak enfeksyon mikwòb bay
  

• Nefwològ, ki ekspè nan Maladi nan Ren (grenn vant)
  

• Newològ, ki ede moun ki gen nè ki domaje, maltèt ak maladi byen espesifik ki bay kriz
  

• Nemològ - ki konprann maladi poumon tankou opresyon ak anfizèm (maladi gwo poumon)
  

• Rimatològ - ki konprann pwoblèm nan zo ak nan jwenti tankou doulè rimatis ak maladi kote zo yo vin frajil epi yo kase fasil (osteopowoz)
  

Swen Zye. Sant zye Cambridge Health Alliance lan fè tout kalite tès ak tretman pou zye. Nou gen teknik soti depi nan fè linèt ak vèd kontak rive jiska nan gwo operasyon pou katarat oubyen operasyon "LASIK" pou Korije Vizyon. Jis telefòne noun an 617-665-1347.

Swen Dan. Konnyè a nou gen twa klinik dan: yonn nan Cambridge, nan Windsor Street Health Center a, yonn nan Assembly Square ak yonn nan Everett. Ekip dantis nou yo ka ede w avèk tout bagay depi nan netwaye dan w, plonbe dan w ak gwo travay nan dan w. Telefòne nou nan 617-665-3990.

Sante pou Pwoblèm Mantal. Si oumenm oubyen yon moun ou konnen gen pwoblèm depresyon, pwoblèm fè kòlè, abize tabak, alkòl oubyen dwòg, oubyen pwoblèm nan relasyon oubyen lòt pwoblèm konpòtman, Cambridge Health Alliance ka ede l. Nou gen pwogram ki an sekirite epi ki konfidansyèl pou tout yon seri de pwoblèm mantal.
Pou kesyon sou sèvis sante mantal an Pòtigè, silvouplè telefòne: 617-665-3000
Pou kesyon sou sèvis sante mantal an Espayòl, silvouplè telefòne: 617-665-3900
Pou kesyon sou sèvis sante mantal an Kreyòl Ayisyen, silvouplè telefòne: 617-591-6380

Mamogram. Èske w se yon fi lè w rive pou fè mammogram anyèl ou? Konnyè nou gen randevou menm jou ou rele a pou Mamografi Dijital nan tou lè twa lopital yo. Nou wè pasyan nan Sant pou afè Tete nou an nan Cambridge ak nan Whidden (Cambridge Breast Center). Telefòne nou nan 617-665-1298 pou pran yon randevou.

Klike la a pou plis enfòmasyon.

Pwogram Tretman pou moun kite fimen. Ou ka kite fimen ak kite itilize tabak. Konseye nou yo bay yon Tretman Bon Mache pou Kite Fimen pou Tout Vi w, yo bay tretman sa a endividyèlman, an gwoup, pa telefòn epi yo bay tretman pou ranplase "nikotin". Tout pasyan ak manb kominote a kalifye pou pwogram sa a. Yo bay sèvis yo an Pòtigè oubyen an Espayòl pou yon ti momen ($10 a $27 pa sesyon). Pou plis enfòmasyon, silvouplè telefòne nou nan 617-591-6922.